ეს არის უზნეო და ჩვენი საზოგადოებისთვის შეუფერებელი საქციელი, - ამის შესახებ პარლამენტის თავმჯდომარის მოადგილე გია ვოლსკიმ საჯარო რეესტრის თავმჯდომარის, პაპუნა უგრეხელიძისადმი გამოთქმული ბრალდებების შეფასებისას გააკეთა.
მისი თქმით, ვინც ახდენს ზეწოლას, ახდენს შევიწროებას, მით უმეტეს, მასზე დაბალი თანამდებობის ადამიანის, მორალურადაც უნდა აგოს პასუხი, ადმინისტრაციულადაც და თუკი არის სისხლის სამართლის დანაშაულის ნიშნები, მაშინაც.
„პაპუნა უგრეხელიძე იქნება თუ ნებისმიერ სხვა ადამიანი, ქალი თუ მამაკაცი, ვინც ახდენს ზეწოლას, ახდენს შევიწროებას, მით უმეტეს, მასზე დაბალი თანამდებობის ადამიანის, მორალურადაც უნდა აგოს პასუხი, ადმინისტრაციულადაც და თუკი არის სისხლის სამართლის დანაშაულის ნიშნები, რა საკვირველია, მაგ მხრივაც უნდა აგოს პასუხი,“ - განაცხადა გიორგი ვოლსკიმ.
ცნობისთვის, საჯარო რეესტრის ხელმძღვანელს, პაპუნა უგრეხელიძეს ყოფილი თანამშრომლები სექსუალურ შევიწროებაში ადანაშაულებენ.
