27-30 მარტს, USAID -ის პროექტი „მმართველობა განვითარებისათვის” (G4G) საქართველოში, „მეწარმე ქალთა საბჭოს” ორგანიზებით და “საქართველოს ბანკისა” და თბილისის მერიის მხარდაჭერით, ასევე “ევროპის რეკონსტრუქციისა და განვითარების ბანკის” (EBRD), ევროკავშირის EU4 Business ინიციატივის, ფოთის პორტის”, USAID ენერგეტიკის პროგრამისა და ინოვაციებისა და ტექნოლოგიების სააგენტოს მხარდაჭერით, გამართავს რიგით მე-4 ყოველწლიურ კონფერენციას სახელწოდებით „ქალის როლი ეკონომიკის ზრდასა და რეფორმების შემუშავებაში“. წინა წლებში დაგროვილმა გამოცდილებამ და საზოგადოების მხრიდან მზარდი ინტერესის ტენდენციამ განაპირობა ღონისძიების ფორმატის შეცვლა. წელს უკვე კვირეულის სახით ჩატარდება ღონისძება და მოიცავს ისეთ მნიშვნელოვან თემებს როგორიცაა ფინანსებთან წვდომა, ქალი და ინოვაცია, ქალის როლი ენერგეტიკაში, ტრანსპორტსა და ლოჯისტიკაში. კვირეულის მიზანია ქალების როლის გაძლიერება ქვეყნის მართვაში, ბიზნესსა და სამოქალაქო საზოგადოებაში.
კონფერენციას გახსნის საქართველოს პარლამენტის ვიცე სპიკერი, თამარ ჩუგოშვილი, ქალაქ თბილისის მერი კახა კალაზე, ეკონომიკისა და მდგრადი განვითარების მინისტრის მოადგილე გიორგი ჩიქოვანი, USAID - ის ეკონომიკური განვითარების ოფისის დირექტორი, ვერონიკა ლი.
კვირეულის ფარგლებში მონაწილეობას იღებენ წარმატებული ქალბატონები როგორც კერძო და საჯარო სექტორებიდან , ისე არასამთავრობო და საერთაშორისო ორგანიზაციებიდან. ისინი დამსწრე საზოგადოებას გაუზიარებენ საკუთარ გამოცდილებას როგორ მიაღწიეს წარმატებას. მათი წარმატების მაგალითები სტიმულის და შთაგონების მიმცემი იქნება ყველა მონაწილე ქალბატონისთვის. პარალელურად გაიმართება მეწარმე ქალთა პროდუქციის გამოფენა - გაყიდვა.
ღონისძიებაზე გამოვლინდებიან წლის ლიდერი ქალები ბიზნესში, მთავრობასა და არასამთავრობო ორგანიზაციაში.
