დევნილთა და განსახლების მინისტრმა, სოზარ სუბარმა ჟურნალისტებთან საუბარში განაცხადა, რომ ამ წუთებში აქტიურად მიმდინარეობს მუშაობა, რათა არჩილ ტატუნაშვილის ცხედრის გადმოსვენებაც დროულად მოხდეს.
"არჩილ ტატუნაშვილთან ერთად დაკავებული ჩვენი ორი მოქალაქე, იოსებ პავლიაშვილი და ლევან ქუტაშვილი არიან გათავისუფლებული. მათ მიეცათ საშუალება რომ დაეტოვებინათ ოკუპირებული ტერიტორია და ამ წუთებში, არიან მცხეთაში, თავის მშობლებთან ერთად. ამ წუთებში მიმდინარეობს მუშაობა, რომ არჩილ ტატუნაშვილის ცხედრის გადმოსვენებაც მოხდეს დროულად. სამწუხაროდ, ამ დროისთვის მეტ ინფორმაციას ვერ მოგაწვდით", - განაცხადა სუბარმა.
ცნობისთვის, არჩილ ტატუნაშვილი 23 თებერვალს, ოკუპირებულ ქალაქ ცხინვალის საავადმყოფოში გაურკვეველ ვითარებაში გარდაიცვალა. მისი ცხედარი ამ დრომდე არ გადმოუციათ.
