„დასკვნა დასრულდა, პროგრამულად აიტვირთა, რომელსაც ხელს ორშაბათს მოვაწერ, რადგან სამხარაულს თავისი პროცედურები აქვს. ეს არის პირველადი ექსპერტიზა, რომელშიც გარდაცვლილის სხეულზე ნანახი დაზიანებების აღწერაა და სიკვდილის მიზეზია დადგენილი“, - განუცხადა „ჯი-ეიჩ-ენს“ დამოუკიდებელმა ექსპერტმა, მაია ნიკოლეიშვილმა.
მან სამხარაულის ექსპერტიზის ბიუროში თემირლან მაჩალიკაშვილის ცხედრის ექსპერტიზის საბოლოო დასკვნის გაცნობა ახლახანს დაასრულა.
"ნივთმტკიეცბულებები დავლუქეთ და გამძიებას გადავეცით. ამ ექსპერტიზით სროლის მანძილი ვერ დადგინდა, რადგან მაჩალიკაშვილს თავზე ქირურგიული ჩარევა ჩატუარდა, შესაბამისად გამოსაკვლევ ობიექტს სახე შეცვლილი ჰქონდა. დასკვნაში თავიდან ბოლომდეა ყველა დაზიანება აღწერილი. სიკვდილის მიზეზი ბუნებრივია, ცეცლხსასროლი დაზიანების გართულებაა“, - აცხადებს მაია ნიკოლეიშვილი.
შეგახსენებთ, თემირლან მაჩალიკაშვილი პანკისში, სპეცოპერაციის დროს დაიჭრა და უგონო მდგომარეობაში რამდენიმე დღის განმავლობაში იმყოფებოდა, 11 იანვარს კი საავადმყოფოში გარდაიცვალა.
სუსის ინფორმაციით, პანკისის ხეობასა და თბილისში ჩატარებული სპეცოპერაციის დროს დაკავებული ხუთი მოქალაქე დაეხმარა აჰმედ ჩატაევს საქართველოს საზღვარზე გადმოსვლაში. დაკავებული პირები 21-22 ნოემბრის სპეცოპერაციის დროს დახოცილ ჯგუფთან ერთად, საქართველოსა და თურქეთში ტერაქტებს გეგმავდნენ. ასევე იგეგმებოდა თავდასხმები საქართველოში მომუშავე დიპლომატიურ კორპუსზე.