მე ვფიქრობ, რომ ისინი, ყველა არიან ქრისტიანები, მართლმადიდებლები და ძალიან მალე მიიღებენ გადაწყვეტილებას, რომ მიცვალებული გადაეცეს თავის ოჯახს, რომ მივაბაროთ ქართულ მიწას, - ამის შესახებ ახალგორის გამგებელმა ნუგზარ თინიკაშვილმა "ტვ პირველის" პირდაპირ ეთერში, არჩილ ტატუნაშვილთან დაკავშირებით განაცხადა.
მისი თქმით, მიუღებელია ის მოქმედებები, რაც საოკუპაციო რეჟიმის მხრიდან ხორციელდება. მისივე განცხადებით, არ შეიძლება ქართველებსა და ოსებს შორის ამგვარი დამოკიდებულება
"არ შეიძლება არც ერთ შემთხვევაში ქართველებსა და ოსებს შორის ასეთი დამოკიდებულება. კავკასიაში და ზოგადად, არც ერთ ორ ერს შორის არ არის ასეთი ნათესაური კავშირი, ამხელა ურთიერთობა, რაც ჩვენ გაგვაჩნია და ძალიან დიდი სირცხვილია ასეთი დამოკიდებულება ჩვენ შორის", - განაცხადა თინიკაშვილმა.
შეგახსენებთ, 22 თებერვალს, საოკუპაციო რეჟიმმა საქართველოს მოქალაქეები - არჩილ ტატუნაშვილი, ლევან ქუტაშვილი და იოსებ პავლიაშვილი ახალგორში დააკავა. 23 თებერვალს კი გავრცელდა ინფორმაცია, რომ არჩილ ტატუნაშვილი გაურკვეველ ვითარებაში გარდაიცვალა.