“მინდა ვენდო სასამართლოს” - ამ სახელწოდებით კამპანიას კოალიცია „დამოუკიდებელი და გამჭვირვალე მართლმსაჯულებისთვის“ იწყებს.
კოალიციის წევრი ორგანიზაციების წარმომადგენელთა განცხადებით კამპანია სასამართლო სისტემის განვითარებასა და გაუმჯობესებას ემსახურება.
კამპანიის - “მინდა ვენდო სასამართლოს” მოთხოვნებია:
პოლიტიკურმა ხელისუფლებამ აიღოს თავისი წილი პასუხისმგებლობა სასამართლო სისტემაში არსებულ კრიზისზე; სასამართლო სისტემა გათავისუფლდეს კლანური მმართველობისგან;
პროკურატურა დაინტერესდეს და სრულფასოვნად გამოიძიოს მართლმსაჯულების სისტემასთან დაკავშირებით ყველა შესაძლო დანაშაულის შემთხვევა;
პარლამენტმა დაუყოვნებლივ გაატაროს რეალური რეფორმები, რის საფუძველზეც სასამართლოში არსებული გავლენიანი ჯგუფი ვეღარ შეძლებს კანონმდებლობა არაჯანსაღი მიზნებისთვის გამოიყენოს.
კოალიცია „დამოუკიდებელი და გამჭვირვალე მართლმსაჯულებისთვის“ 2011 წელს შეიქმნა 40-მდე არასამთავრობო ორგანიზაციას აერთიანებს.
