„ნაციონალური მოძრაობის“ წევრებმა ბიბლიოთეკების თანამშრომლებთან ერთად პეტიციაზე - "გადავარჩინოთ ბიბლიოთეკები", ხელმოწერების შეგროვება დაიწყეს.
"წიგნს ვერანაირი მედიათეკა ვერ შეცვლის. მეტიც, დასავლეთში ჩატარებულმა კვლევებმა აჩვენა, რომ ელექტრონული წიგნების კითხვამ, მკითხველებს, წიგნის კითხვის სურვილი აღუძრა და შეუცვლელ საგანძურს-წიგნს მიუბრუნა.
თანამედროვე ტექნოლოგიების განვითარების კვალდაკვალ წლების განმავლობაში არსებული საჯარო ბიბლიოთეკების ინფრასტრუქტურა რომ ვეღარ აკმაყოფილებს თანამედროვე მოთხოვნებს, ეს არ უნდა გახდეს ბიბლიოთეკების გაუქმების ან შემცირების მიზეზი", - ნათქვამია პეტიციაში.
პეტიციაზე ხელმოწერების შეგროვება ერთი კვირის განმავლობაში გაგრძელდება, რის შემდეგაც „ნაციონალური მოძრაობის“ წევრები ხელმოწერებს მერიაში მიიტანენ.
