თბილისში, ცაბაძის ქუჩაზე, ბაზრობა „თერგის“ მიმდებარე ტერიტორიაზე ხანძარი 2000 კვ.მეტრზე გავრცელდა. ხანძრის გამომწვევი მიზეზები ჯერჯერობით უცნობია. მოვაჭრეების განცხადებით, ხანძარი საკანცელარიო მაღაზიაში გაჩნდა და მთელ ტერიტორიაზე გავრცელდა.
ადგილზე 40-მდე სახანძრო ჯგუფი მუშაობს.
მოვაჭრეთა ნაწილი სავაჭრო ტერიტორიაზე შესვლასა და საკუთარი საქონლის გამოტანას ცდილობს.
ცაბაძის ქუჩაზე იმყოფება თბილისის მერი კახა კალაძე, თუმცა ამ დრომდე მედიისთვის კომენტარი არ გაუკეთებია.
