თუ ვინმეს დანაშაული აქვს, ჩვენ ვიქნებით პირველები, ვინც იმოქმედებს, - ამის შესახებ თბილისის მერმა კახა კალაძემ ჟურნალისტის კითხვაზე, გათავისუფლდება თუ არა მერიიდან ვინმე იმ შემთხვევაში, თუკი აუდიტის დასკვნაში დარღვევებზე იქნება საუბარი, საპასუხოდ განაცხადა.
მისი თქმით, მთავარია პროფესიონალიზმი და კეთილსინდისიერება. მისივე თქმით, ის სწორედ ასეთ ადამიანებთან ერთად აპირებს მუშაობს.
“მე ყოველთვის ვამბობდი და ახლაც გავიმეორებ, რომ ჩვენთვის მთავარი არის პროფესიონალიზმი, კეთილსინდისიერება და ჩვენ ასეთ ადამიანებთან ვაპირებთ მომავალშიც მუშაობას“, - განაცხადა კალაძემ.
შეგახსენებთ, 19 თებერვალს თბილისის მერიის შესახებ აუდიტის სამსახურის დასკვნა გამოქვეყნდება.