"პირობები, რომელიც მცირე ბიზნესს ფინანსთა მინისტრმა მამუკა ბახტაძემ შესთავაზა, ქმნის ახალ შესაძლებლობებს მათთვის, ვისაც უნდა საკუთარი საქმე წამოიწყოს", - ამის შესახებ საპარლამენტო უმრავლესობის ერთ-ერთმა ლიდერმა, არჩილ თალაკვაძემ განაცხადა.
თალაკვაძის შეფასებით, არცერთი წარმატებული ეკონომიკური რეფორმა, გაბედული გადაწყვეტილების გარეშე არ მომხდარა.
"შემოთავაზებული ცვლილებები, რომ მცირე მეწარმეები საერთო შემოსავლის 5%-ით აღარ დაიბეგრებიან და სიმბოლურად მხოლოდ 1%-სგადაიხდიან; მცირე ბიზნესად ჩაითვლება მეწარმე, რომლის შემოსავალი წლის განმავლობაში იქნება 500 000 ლარამდე, ნაცვლად დღემდე არსებული 100 000 ლარისა; მცირე მეწარმეებისათვის გაუქმდება მიმდინარე (ე.წ. საავანსო) გადასახდელების გადახდის ვალდებულება და მცირე ბიზნესის სტატუსის გაუქმების საფუძველი აღარ იქნება მეწარმე ფიზიკური პირის დღგ-ს გადამხდელად რეგისტრაციის ფაქტი - არის პირდაპირი გზავნილი იმ ადამიანებისთვის, ვისაც უნდა საკუთარი საქმე წამოიწყოს, საკუთარი ბიზნესი განავითაროს",- განაცხადა თალაკვაძემ.
საქართველოს ფინანსთა მინისტრ, მამუკა ბახტაძის განცხადებით, ახალი ინიციატივა სხვა რეფორმებთან ერთად, ეკონომიკური ზრდის დაჩქარების საშუალებას იძლევა.
