ადმინისტრაციულ პატიმრობაშეფარდებული პირები დროებითი მოთავსების იზოლატორში, სისხლის სამართლის დანაშაულზე დაკავებულ პირებთან ერთად აღარ მოთავსდებიან - აღნიშნულ ცვლილებას დროებითი მოთავსების იზოლატორების განვითარების გეგმა ითვალისწინებს, რომლის პრეზენტაცია შინაგან საქმეთა მინისტრის მოადგილემ გაეროს უმაღლესი კომისრის ოფისის მხარდაჭერით გამართა.
გეგმის თანახმად, დაგეგმილია ორი ახალი დაწესებულების მოწყობა, სადაც მხოლოდ ადმინისტრაციულ პატიმრობაშეფარდებული პირები მოათავსდებიან.
დაწესებულებები 2019 წლიდან დასავლეთ საქართველოში (სავარაუდოდ სამტრედიაში) და აღმოსავლეთ საქართველოში(სავარაუდოდ თბილისში) მოეწყობა.
პარალელურად, თანამშრომელთა კვალიფიკაციის ამაღლების მიზნით, შეიქმნება იზოლატორის მოსამსახურეთა სამუშაო აღწერილობები და განახლდება მომზადების/გადამზადების სასწავლო კურსი. ამასთან, საბაზისო სასწავლო კურსის გავლის გარეშე მოსამსახურე თანამდებობაზე ვერ დაინიშნება.
ამავე თემაზე: დროებითი მოთავსების იზოლატორებში გაკეთებული ვიდეოჩანაწერების შენახვის ვადა იზრდება
