თბილისში, ნაძალადევის რაიონში, ხუდადოვის ქუჩაზე #4-ში საცხოვრებელი კორპუსის მეორე სართულზე ხანძარი ლიკვიდირებულია.
ბოლო ინფორმაციით, ხანძრის შედეგად გარდაცვლილია 59 წლის მამაკაცი, რომელიც სახლში ქირით ცხოვრობდა.
ხანძრის შედეგად სულ დამწვარია 60 კვადრატულ მეტრამდე ფართობი.
საგანგებო სიტუაციების მართვის სააგენტოს ცნობით, ადგილზე 8 სამაშველო ეკიპაჟი მუშაობდა.
მათივე ინფორმაციით, შემთხვევის ადგილზე სიტუაციის გასაცნობად იმყოფებიან ნაძალადევის რაიონის გამგებელი და გამგეობის წარმომადგენლები.
