"დაცვის მხარეს არჩეული აქვს ტაქტიკა, რომლის მეშვეობითაც ცდილობს უზუსტობა შეიტანოს საქმეში“ - ამის შესახებ მოზარდების მკვლელობის საქმის პროკურორმა ზვიად ფხაკაძემ საქალაქო სასამართლოში დღევანდელი პროცესის დასრულების შემდეგ განაცხადა.
პროკურორის მტკიცებით, დაცვის მხარე ცდილობს, წარმოაჩინოს თითქოს წარმოდგენილი ექსპერტიზის დასკვნის შესაბამისად ბრალდების მხარის მტკიცებულებები ბათილდება, რაც სიმართლეს არ შეესაბამება.
მისი განმარტებით, სასამართლოზე გამოკვლეული მტკიცებულებებით ბრალდებულების ბრალი დადასტურდება. "ბრალდების მხარე სასამართლოზე გამოიკვლევს უამარავი ექპერტიზის დასკვნას, დაკითხავს მოწმეებს, რის შედეგადაც ბრალდების მხარეს ერთი მოლოდინი აქვს, რომ მოცემულ სისხლის სამართლის საქმეზე გამოტანილი იქნება გამამტყუნებელი განაჩენი",- აცხადებს ფხაკაძე.
დღევანდელ პროცესზე ბრალდების ერთი მხარე დაიკითხა. შემდეგი პროცესი მისი ჯვარედინი დაკითხვით განალხდება. "დროის გასვლის გამო მოწმის დაკითხვა შეწყდა და მომდევნო სასამართლოზე გაგრძელდება. ბრალდების მხარემ სასამართლოზე კომპიუტერული ექსპერტიზის დასკვნა წარადგინა, ასევე დაცვის მხარის მიერ წარმოდგენილ იქნა ექსპერტიზის დასკვანა, რომლის დასაშვებობასაც მომდევნო სასამართლო სხდომაზე განიხილავენ.
დღეას წარმოდგენილმა მოწმემ სასამართლოს სრულყოფილი ინფორმაცია მიაწოდა ფაქტობრივ გარემოებასთან დაკავშირებით, რაც საქმის დეტალებთან მიმართებაში მნიშვნელოვანია",- აცხადებს ფხაკაძე.
შემდეგი პროცესი 13 თებერვალს,15 საათზე ჩაინიშნა.
შეგახსენებთ, რომ ხორავას ქუჩაზე, 2017 წლის პირველ დეკემბერს ორი მოზარდი დაჭრეს. ერთი მათგანი საავადმყოფოში მიყვანამდე გარდაიცვალა, მეორე კი, მოგვიანებით, საავადმყოფოში.
