„დღეს წარვადგენთ დამოუკიდებელი ექსპერტის მიერ ჩატარებული კომპლექსური სამედიცინო ექსპერტიზის დასკვნას. ეს დასკვნა გარდაცლილის ჭრილობების რაოდენობას, დაზიანებების სიმძიმეს, სიკვდილის მიზეზს და ა.შ. ადგენს. ბრალდების მხარის დასკვნაში მითითებულ სიკვდილის მიზეზში ჩვენი დასკვნით კორექტივია შეტანილი“, - ამის შესახებ „ჯი-ეიჩ-ენს“ ადვოკატმა ეკატერინე მაჭარაშვილმა განუცხადა.
ამ წუთებში, თბილისის საქალაქო სასამართლოში, ხორავას ქუჩაზე მოზარდების მკვლელობის საქმის განხილვა დაიწყო.
პროცესზე გამოცხადდა მოკლულ დავით სარალიძის მამა, ზაზა სარალიძე. მას ჟურნალისტებთან პროცესის დაწყებამდე კომენტარი არ გაუკეთებია.
დღევანდელ პროცესზე, ბრალდების მხარე ორ მოწმეს დაკითხავს.
„აღნიშნული მოწმეები სასამართლოს საქმის ფაქტობრივ გარემოებებთან დაკავშირებულ ინფორმაციებს მიაწვდიან. რაც შეეხება, საქმის შინაასობრივ მხარეს, ამ ეტაპზე ვერ ვისაუბრებ. ეს მოწმეები, სრულწოლოვანი მოწმეები არიან“, - განაცხადა ჟურნალისტებთან პროკურორმა ზვიად ფხაკაძემ.
შეგახსენებთ, რომ ხორავას ქუჩაზე, 2017 წლის პირველ დეკემბერს ორი მოზარდი დაჭრეს. ერთი მათგანი საავადმყოფოში მიყვანამდე გარდაიცვალა, მეორე კი, მოგვიანებით, საავადმყოფოში. მომხდარი მკვლელობის ფაქტზე სამართალდამცავებმა 2 დკემბერს, ერთი არასრულწლოვანი დააკავეს და ბრალი განზრახ მკვლელობის მუხლით წაუყენეს. მეორე არასრულწლოვანს კი ბრალი დაუსწრებლად წარუდგინეს. სასამართლომ ორივე ბრალდებულს აღკვეთის ღონისძიების სახით,პატიმრობა შეუფარდა. პროკურატურამ მკვლელობის საქმეზე, დანაშაულის შეუტყობინებლობის ბრალდებით პასუხისგებაში 5 პირი მისცა, რომელთა შორის, ორი მოსწავლის მშობელი და შსს- ყოფილი თანამშრომელია. პასუხისგებაში მიცემულთაგან მხოლოდ სამი დააკავეს,რადგან ორ პირზე არასრულწლოვანთა მართლმსაჯულების კოდექსი ვრცელდება.
