7006 ავტოსატრნსპორტო საშუალებიდან ტექნიკური შემოწმება 1592-მა ვერ გაიარა, - ამის შესახებ ინფორმაციას საზოგადოებრივი მაუწყებელი ეკონომიკისა და მდგრადი განვითარების სამინისტროზე დაყრდნობით ავრცელებს.
ძირითადი დარღვევები იყო სამუხრუჭე სისტემა, გამონაბოლქვი, ფარების გაუმართაობა, საბურავები და საჭის მართვის მექანიზმი.
შეგახსენებთ, 2018 წლის 1-ლი იანვრიდან ტექდათვალიერება უნდა გაევლო სამგზავრო (8 ადგილის ზემოთ) და სატვირთო (3,5 ტ. ზემოთ) ავტომობილებს.
2018 წლის 1-ლი ივლისიდან კი, ინსპექტირებას გაივლიან სახელმწიფო უწყებებისა და იურიდიული პირების კუთვნილი ავტომანქანები.
ასევე, 2018 წლის 1-ლი ოქტომბრიდან ტექდათვალიერება სავალდებულო გახდება მსუბუქი ავტომობილებისთვის, რომელთა ძრავის მოცულობა სამი ათას კუბური სანტიმეტრია ან აჭარბებს მას.
2019 წლიდან კი, ტექნიკურ შემოწმებას ყველა ავტომობილი დაექვემდებარება.
ცნობისთვის, მსუბუქი ავტომობილების ტექნიკური ინსპექტირება 60 ლარს შეადგენს, ხოლო სატვირთო და სამგზავრო ავტომობილების – 100 ლარია.
თუ მძღოლი დარღვევის შემთხვევაში ერთთვიან ვადაში ხარვეზს არ გამოასწორებს, 50 ლარით დაჯარიმდება, იურიდიული პირისთვის კი, ჯარიმა 200 ლარით განისაზღვრა. კომპანიასთან ერთად მძღოლი 50 ლარით დაჯარიმდება.
