დაჭრილი მოზარდების ჯანმრთელობის მდგომარეობა სტაბილურია და მათ ქირურგიული ჩარევა არ ესაჭიროებათ, - ამის შესახებ ჟურნალისტებს ექიმმა თეა თავართქილაძემ განუცხადა.
როგორც ექიმმა განაცხადა, ორივეს აღენიშნება გულმკერდის წინა ზედაპირზე ნაკვეთ-ნაჩხვლეტი ჭრილობა.
"დასტურდება, რომ ჭრილობები არის შემავალი. ამ ეტაპზე პაციენტების მდგომარეობა არის სტაბილური და ქირურგიული ჩარევა არ იგეგმება. ორივე მათგანი არის 15 წლის. მათ თვითონ მოგვმართეს. სასწრაფოს არ მოუყვანია“, - განაცხადა თეა თავართქილაძემ.
ცნობისთვის, რესპუბლიკურ საავადმყოფოში ორი დაჭრილი მოზარდი რამდენიმე საათის წინ შეიყვანეს. სავარაუდოდ, მოზარდებს ჭრილობა ურთიერთშელაპარაკების ნიადაგზე, ცივი იარაღით მიაყენეს.
საქართველოს შინაგან საქმეთა სამინისტრომ მომხდარზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
