მეტროსადგური ,,ვარკეთილის“ რეაბილიტაცია სატრანსპორტო კომპანიამ განახორციელა.
”ვარკეთილის” სადგურის სარემონტო სამუშაოები 2016 წლის ბოლოს დაიწყო. რეაბილიტაციის პროექტის ფარგლებში მეტრო ”ვარკეთილში” განახლდა სადგურის ქვედა და ზედა ვესტიბიულების ინტერიერი, გარემონტდა დახრილი გვირაბი, გაიწმინდა იატაკის გრანიტი და მარმარილო. სადგურებში დამონტაჟდა ახალი საოპერატორო ჯიხურები, ტურნიკეტები და მეტროს ნავიგაციის თანამედროვე სისტემა.
სატრანსპორტო კომპანიამ, თბილისის მერიის მხარდაჭერით, 2016 წელს დაიწყო მეტროსადგურების კაპიტალური რეაბილიტაციის პროექტი, რომლის ფარგლებში განახლდა სადგური ”ახმეტელის თეატრი”, მეტრო ”ავლაბარს” კი სარეაბილიტაციო სამუშაოები ჩაუტარდა.
დღეს, დილით, ,,ვარკეთილში“ ჭერი ჩამოინგრა, ამ დროისთვის ცნობილია რომ დაშავებულია 8 ადამიანი, მათ შორის ,,ჯი-ეიჩ-ენის“ კორესპოდენტი და საპატრულო პოლიციის თანამშრომელი.
