საქართველოს მუსლიმთა სამმართველო სკოლებში რელიგიის ისტორიის სწავლების ინიციატივას მხარს უჭერს.
როგორც მუსლიმთა სამმართველოს შეიხმა რამინ იდიგოვმა სამების ახალგაზრდულ ცენტრში განაცხადა, მუსლიმთა სამმართველო მოსამზადებელ სამუშაოებში აქტიურად ჩართვას გეგმავს.
მისივე განცხადებით, მთავარია საგნის სწავლება ობიექტურად მოხდეს და ახალგაზრდებს საშუალება ჰქონდეთ ყველა ძირითადი რელიგიის შესახებ მოისმინონ.
"ეს ინიციატივა ჩვენც გვქონდა და ვეთანხმებით რომ რელიგიების ისტორია უნდა ისწავლებოდეს. მნიშვნელოვანია, რომ რელიგიების ისტორია ობიექტურად, თანაბრად ისწავლებოდეს, რათა მომავალ თაობას შემწყნარებლობისა და პატივისცემის გრძნობა გაუძლიერდეს და ჩვენ აქტიურად ჩავერთვებით მოსამზადებელ სამუშაოებში", - განაცხადა რამინ იდიგოვმა.
საქართველოს პარლამენტის განათლებისა და მეცნიერების კომიტეტის თავმჯდომარე მარიამ ჯაშის განცხადებით, შესაძლებელია, რელიგიის ისტორიის სწავლება გარკვეულ მუნციპალიტეტებში 2019 წლის სექტემბრიდან დაიწყოს.
