თბილისში, რუსთაველის გამზირზე მიმდინარე „ბახალას“ მხარდამჭერი აქციის მონაწილეებმა პარლამენტის შენობას ალყა შემოარტყეს.
ისინი მსახიობ გიორგი გიორგანაშვილის (ბახალა) გათავისუფლებას და ქვეყანაში არსებული ნარკოპოლიტიკის შეცვლას ითხოვენ.
"არ შევეგუებით ადამიანების წლობით გაწირვას, ოჯახების გაუბედურებასა და ჩაგვრას, სახელმწიფოს მხრიდან ნებისმიერი ძალადობის მიმართ უკომპრომისოები ვიქნებით. ამიტომ მოვითხოვთ, გიორგი გიორგანაშვილი დაუყოვნებლივ გათავისუფლდეს საპატიმრო დაწესებულებიდან",– აღნიშნა აქციის ერთ-ერთმა ორგანიზატორმა ნაჯა ორაშვილმა.
შეგახსენებთ, გიორგი გიორგანაშვილი იგივე "ბახალა" მოსამართლემ დამნაშავედ ცნო და 8 წლის ვადით თავისუფლების აღკვეთა მიუსაჯა.
