ცენტრალური და აღმოსავლეთ ევროპის უდიდესი და საქართველოს წამყვანი დაბალბიუჯეტიანი ავიაკომპანია Wizz Air-ი ქუთაისიდან ახალ მარშრუტს ამატებს. კომპანია რიგის (ლატვია) მიმართულებით, 25 მარტიდან ფრენას კვირაში ორჯერ, ოთხშაბათსა და კვირას განახორციელებს. ახალი მიმართულება, რომელიც უნიკალურია ღირსშესანიშნავი ადგილებითა თუ მდიდარი კულტურით და იდეალურია სადღესასწაულო დასვენებისთვის, 2018 წლიდან იქნება ხელმისაწვდომი. ბილეთების შეძენა შესაძლებელია wizzair.com-ზე, ფასი კი 52,99 ლარიდან/ 19,99 ევროდან იწყება.

რიგა ბალტიის უდიდესი მეტროპოლიტია - ჩრდილოეთ ევროპის გული, რომელიც სავსეა მომხიბლავი პარკებითა თუ ტრადიციული რესტორნებით; ცნობილია როგორც ღირსშესანიშნავი ადგილებით, ასევე სპეციფიური ცენტრალური ბაზრითა და თავისუფლების ქანდაკებით. თავისთავად განსაკუთრებულია მისი მემკვიდრეობა და კულტურა: ბალტიისპირეთის რეგიონმა მოახერხა და შეინარჩუნა შუა საუკუნეების ატმოსფერო თავისი გადატვირთული ქუჩებით, ვიწრო გადასასვლელებითა და რელიგიური ეკლესიებით, რომლებიც UNESCO-ს მსოფლიო მემკვიდრეობის ნაწილია.

WIZZ AIR-ის ახალი მიმართულება ქუთაისიდან

WIZZ-ი ცდილობს, მომხმარებლის მოთხოვნებს მოერგოს და მუდმივ ინვესტირებას ახდენს თავის მზარდ ქსელში. კომპანიამ ახლახანს გამოაცხადა, რომ 2018 წელს მეორე თვითმფრინავს შეიძენს და ამავე წლის გაზაფხულიდან 4 ახალ მარშრუტსაც დაამატებს: ქუთაისიდან პრაღის, პარიზის, რომის და ბარსელონას მიმართულებით. 2017 წლის დასაწყისიდან 315,000-ზე მეტმა მომხმარებელმა უკვე ისარგებლა WIZZ-ის დაბალი ფასებით, დაჯავშნის მარტივი სისტემით და შესანიშნავი საბორტო მომსახურებით; კომპანიამ ხელი შეუწყო დაახლოებით 200 სამუშაო ადგილის შექმნას აეროპორტის საქმიანობის, სატრანსპორტო თუ ტურისტულ ინდუსტრიაში.  

 „მას შემდეგ, რაც Wizz-მა 2018 წელს ქუთაისის ბაზაზე მეორე თვითმფრინავის დამატების შესახებ განაცხადა, ჩვენ კვლავ ვაგრძელებთ ჩვენი ქსელის გაფართოებას საქართველოში. 25 მარტიდან, Wizz-ის მომხმარებლებს საშუალება ექნებათ, ქუთაისიდან ლატვიის ფერად და ბრჭყვიალა  დედაქალაქის, რიგის მიმართულებით დაბალბიუჯეტიანი ბილეთებით იფრინონ. ახალი მარშრუტი, რომელიც მთელი წლის განმავლობაში, ოთხშაბათსა და კვირას განხორციელდება, კიდევ უფრო გააუმჯობესებს ქვეყნებს შორის საქმიან ურთიერთობებს და რეგიონული ეკონომიკისა თუ ადგილობრივი ტურიზმის სტიმულირებას შეუწყობს ხელს. დღევანდელი ახალი ამბავი კიდევ ერთხელ უსვამს ხაზს, რომ ჩვენ ძალიან მონდომებულები ვართ, ქართველ მომხმარებლებს დაბალბიუჯეტიან სამგზავრო მომსახურებასთან ერთად შესანიშნავი საბორტო გამოცდილებაც შევთავაზოთ. ყველა ჩვენს მომხმარებელს უკვე საშუალება აქვს, დაჯავშნოს ბილეთი wizzair.com-ზე, სულ რაღაც 52,99* ლარად“, აღნიშნა Wizz Air-ის კომუნიკაციების მენეჯერმა სორინა რაცმა.