,,ბიბისის“ ინფორმაციით, მეცნიერები, კვირას ე.წ. ,,სუპერმთვარეს“ გვპირდებიან. მათი განცხადებით, კვირას, დედამიწიდან მთვარე ჩვეულებრივზე მკვეთრი და დიდი გამოჩნდება. კერძოდ, მთვარის ჩვეულებრივ გამოსახულებასთან შედარებით, განსხვავება 7%-ით დიდი და 15 %-ით მკვეთრი იქნება.
ბრიტანელი მეცნიერების თქმით, მთვარე განსაკუთრებული სანახავი იქნება ზუსტად შუარამისას, როდესაც ის ჰორიზონტის უმაღლეს წერტილს მიაღწევს - ,,ჩვენი თანამგზავრი დედამიწიდან 358 499 კილომეტრში იქნება, რაც ჩვეულებრივზე 26 ათასი კილომეტრით ახლოა“.
გამოცემის ცნობით, გასულ წელს მთვარე დედამიწას ყველაზე უფრო მოუახლოვდა 1948 წლის შემდეგ, შემდგომში ასეთი მოვლენა 2034 წლის 25 ნოემბერს განმეორდება.
ნასა-ში აცხადებენ, რომ სანამ მთვარე დედამიწიდან მინიმალურ მანძილზე იმყოფება კიდევ 2 სავსემთვარეობა იქნება - 1 და 31 იანვარს.
