თურქულმა ავიაკომპანია Pegasus Airlines-მა საკუთარ რუკაზე აფხაზეთის ტერიტორია საქართველოდან გამოყო. ავიაკომპანიის საიტზე გამოქვეყნებული რუკაზე, სადაც მითითებულია ის მიმართულებები, რომელზედაც Pegasus Airlines-ი დაფრინავს, კარგად ჩანს, რომ საქართველო და აფხაზეთი ცალ-ცალკე ქვეყნებად არიან დატანილნი.
აღნიშნულ ინფორმაციას საქართველოში Pegasus Airlines-ის ოფიციალური წარმომადგენლობა არ ფლობს. როგორც მათ "ჯი-ეიჩ-ენთან“ საუბრისას განაცხადეს, საკითხის გარკვევას ავიაკომპანიის სათაო ოფისთან შეეცდებიან.
