საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ ინვესტიციის მიმართულების წარმომადგენლები, პორტუგალიაში, ქ. ლისაბონში გამართულ მასშტაბურ კონფერენციას „Websummit 2017“ ესწრებიან.

ღონისძიებას, რომელიც 6-დან 9 ნოემბრის ჩათვლით იმართება 160-ზე მეტი ქვეყნიდან 60 000-მდე მონაწილე ესწრება, რაც მნიშნელოვანი ბიზნეს კავშირების დამყარებას შეუწყობს ხელს. გამოფენის პირველ დღეს, 6 ნოემბერს სააგენტოს „აწარმოე საქართველოში“ წარმომადგენლებმა მონაწილეობა მიიღეს „Websummit”-ის  ფარგლებში, დაგეგმილ ღონისძიებაზე „Ecosystem Summit”, რომელიც პანელურ დისკუსიებს ბიზნეს გარემოსა და ეკოსისტემასთან დაკავშირებულ გამოწვევებზე მსჯელობას ითვალისწინებდა.

აღნიშნული ღონისძიების  ფარგლებში, სააგენტოს „აწარმოე საქართველოში“ წარმომადგენლებს დაგეგმილი აქვთ მნიშვნელოვანი შეხვედრები IT  და ბიზნეს პროცესების აუთსორსინგის (BPO) სექტორში მოღვაწე კომპანიებთან.  კერძოდ კი ინვესტიციების მიმართულების წარმომადგენლები თითოეულ დაინტერესებულ პირს აცნობენ საქართველოს საინვესტიციო შესაძლებლობებს და იმ მექანიზმებს რასაც სახელმწიფო სთავაზობს კერძო სექტორის წარმომადგენლებს.

შეგახსენებთ, რომ „აწარმოე საქართველოში ინვესტიციის“ მიმართუელბის მიზანია საქართველოში პირდაპირი უცხოური ინვესტიციების მოზიდვა, ხელშეწყობა და განვითარება.