ბათუმის 2018 წლის ბიუჯეტი, პირველადი პროექტის მიხედვით, 146 მილიონ 121 ათასი ლარით განისაზღვრა, რაც 2017 წლის ფაქტობრივ ბიუჯეტთან შედარებით 21 მლნ 351 ათასი ლარითაა შემცირებული.

როგორც ბათუმის მერიაში განმარტავენ, 2018 წლისთვის 2017 წელთან შეადრებით ბიუჯეტის შემცირება ძირითადად ინფრასტრუქტურულ ნაწილში იგეგმება. რაც შეეხება ბიუროკრატიულ ხარჯს, ის 2017 წელს 2018 წლის დონეზე შენარჩუნდება. აღსანიშნავია, რომ 2017 წელს 2016 წელთან შედარებით ბათუმის მერიამ ბიუროკრატიული ხარჯები 10 %-ით შეამცირა.

მერიაში განმარტავენ, რომ 2018 წლის ბიუჯეტით გათვალისწინებული 146 მლნ 121 ათასი ლარი ეს პირველადი მონაცემებია და ის შემდეგ ეტაპებზე შესაძლოა გაიზარდოს.

ირკვევა, რომ პროგრამების დაფინანსება 2018 წელს წლევანდელთან შედარებით 500 ათასი ლარით იზრდება. 2018 წლისთვის ჯანმრთელობის დაცვის პროგრამებზე 4 მილიონ 14 ათას 900 ლარია გათვალისწინებული, სოციალური პროგრამები კი 8 მილიონ 395 ათასი ლარით ფინანსდება.