თურქული ავიაკომპანია Turkish Airlines-ი კიდევ ერთ ახალ სერვისს ამატებს. ამიერიდან ავიაკომპანიის საიტის მეშვეობით ავტომობილის დაქირავება ხდება შესაძლებელი. როგორც თურქული მედია წერს, Turkish Airlines-მა მსოფლიოში ყველაზე დიდ საავტომობილო გაქირავების კომპანია Enterprise Holdings-თან ხელშეკრულება გააფორმა. ჰოლდინგ Enterprise-ს კუთვნილებაშია სამი ბრენდი: Enterprise Rent-A-Car, National Car Rental და Alamo Rent A Car. შესაბამისად თურქული ავიაკომპანიის მგზავრებს შესაძლებლობა აქვთ Enterprise-ს ნებისმიერი განყოფილებიდან ავტომობილი დაიქირაონ, რისი გაკეთებაც მათ ამიერიდან Turkish Airlines-ის ვებგვერდის მეშვეობით და ასევე კომპანიის მობილური აპლიკაციით შეუძლიათ.
