დუბაის ერთ-ერთი ბანკის მენეჯერმა სასტუმროს სასამართლოში მას შემდეგ უჩივლა, რაც VIP-ლანჩისას საკვებში სისხლიანი მარლა აღმოაჩინა.
მოსარჩელე მხარემ კომპენსაციის სახით სასტუმროსგან 50 მლნ დირხამი მოითხოვა.
ბანკირმა სასტუმროს VIP-ლანჩი რამდენიმე დღით ადრე შეუკვეთა, სადაც არაბეთის გაერთიანებული საემიროების საბანკო სფეროს ხელმძღვანელი პირები იყვნენ მიწვეულნი.
საკვებში სისხლიანი მარლის დაფიქსირების შემდეგ, ბანკირმა ლანჩი გადადო და სასტუმროს წინააღმდეგ სასამართლოში სარჩელი შეიტანა.
