ივლისში საქართველოში სამომხმარებლო კალათა გაიაფდა - "საქსტატმა" 0.9%-იანი დეფლაციაზე განაცხადა, რაც წლიურ მაჩვენებელზეც აისახა და  ინფლაცია 6% ნიშნულზე დაეცა. ივნისთან შედარებით კლებაა 1.1 პ/პ.

ბოლო 1 თვეშ სურსათი და უალკოჰოლო სასმელების  ჯგუფში ფასები შემცირდა 2,6%-ით. მათ შორის, ბოსტნეული და ბაღჩეული (-18%) , ხილი და ყურძენი (-9%), ხორცი და ხორცის პროდუქტები (-0,5%), შაქარი, ჯემი და სხვა ტკბილეული (-0,3%); ტრანსპორტის ჯგუფში ფასების 1% კლებაა.

რაც შეეხება წლიურ ინფლაციას, სურსათი და უალკოჰოლო სასმელების ჯგუფი 7,1% არის გაზრდილი: ბოსტნეული და ბაღჩეული (+25,6%)  ხილი და ყურძენი (15,9%), რძე, ყველი და კვერცხი (9,3%), ხორცი და ხორცის პროდუქტები (9,1%), ყავა, ჩაი და კაკაო (5,6 %), ზეთი და ცხიმი (5,5 %), თევზეული (4,4 %);

ტრანსპორტის ჯგუფში ფასები მომატებულია 12,6 %-ით; ალკოჰოლური სასმელები და თამბაქო ჯგუფში  ფასები გაიზარდა 17,3%-ით, მათ შორის  თამბაქოს ნაწარმზე 37,1%,  ალკოჰოლურ სასმელებზე 1,3%.

ჯანმრთელობის დაცვაში  ფასები გაიზარდა 6,9 %-ით. ფასების მატება დაფიქსირდა სამედიცინო პროდუქციის, აპარატურის და მოწყობილობების ქვეჯგუფზე (18,1 პროცენტი) და ამბულატორიულ სამედიცინო მომსახურებაზე (5,5 პროცენტი).