უკრაინული ავიაგადამზიდავი Ukraine International Airlines-ი (FlyUIA) შიდა რეისებზე, ეკონომ-კლასში ფასიანი კვების მომსახურების სერვისს აბრუნებს.
ამიერიდან გაფრენამდე მინიმუმ 36 საათით ადრე მგზავრს შეუძლია ავიაკომპანიის საიტზე კვება შეუკვეთოს, რომელიც შემდგომ გაცხელებას აღარ საჭიროებს. ასეთი კვების პროდუქტები კი არის: პანინი, სალათი, დესერტი და სხვა.
მაგალითად პანინი ქათმის ხორცით და ცივი სასმელით 5 ევრო ღირს. ანალოგიური ფასი აქვს სალათ „ცეზარსაც“, ხოლო რაც შეეხება დესერტს, მისი ფასი 2-დან 4 ევრომდეა.
სისტემა საშუალებას იძლევა მგზავრმა რამდენიმე კერძი შეუკვეთოს, ხოლო საფასურის გადახდა საბანკო ბარატით იქნება შესაძლებელი.
შეგახსენებთ, რომ FlyUIA-მ შიდა რეისებზე, ეკონომ-კლასში კვება 2011 წელს გააუქმა. ბორტზე მგზავრებს მხოლოდ წყალი მიეწოდებოდა, ხოლო კვების შეკვეთა ეკონომ-კლასის მგზავრს არ შეეძლო.
