ყაზახეთის უმსხვილესი ავიაკომპანია Air Astana და ყაზახეთის სახელმწიფო რკინიგზა 2017 წლის ბოლომდე სატვირთო ავიაკომპანიის დაფუძნებას გეგმავენ. აღნიშნულის შესახებ განცხადება ყაზახეთის ინვესტიციებისა და განვითარების საკითხებში ვიცე-მინისტრი ალიკ აიდარბაევმა უკვე გააკეთა.
„მიღებულია გადაწყვეტილება, რომ ყაზახეთის ეროვნული რკინიგზა ავიაკომპანია Air Astana-თან ერთად კომპანიას ქმნის. დღეისათვის რკინიგზა ეძებს პარტნიორს, რომელიც ამ მიმართულებით იმუშავებს. ჩვენს გეგმებშია, რომ წლის ბოლომდე შეიქმნას ეს კომპანია და მოვიზიდოთ თუნდაც ორი საჰაერო ხომალდი, რათა საქმე დავიწყოთ“, აცხადებს აიდარბაევი.
დღეისათვის ყაზახეთში სატვირთო ავიაკომპანია არ ფუნქციონირებს.
ავიაკომპანია Air Astana-ს პრესსამსახურში განმარტავენ, რომ კომპანიამ AerCap-სთან უკვე გააფორმა კონტრაქტი ლიზინგით ხუთი Embraer E190-E2-ის შეძენაზე, რომელიც ავიაკომპანიას 2018 წლის მეოთხე კვარტალში მიეწოდება.
