უკრაინის ინფრასტრუქტურის მინისტრი ვლადიმირ ომელიანი, ხვალ, 12 ივლისს მთავრობის სხდომაზე, ბორისპოლის საერთაშორისო აეროპორტის ხელმძღვანელის პაველ რიაბიკინის გათავისუფლების საკითხს დააყენებს.
აღნიშნულის შესახებ ინფორმაცია მინისტრმა უკრაინული მედიით უკვე გააჟღერა.
„დიახ ხვალ მთავრობის სხდომაზე მისი განთავისუფლების საკითხს დავაყენებ, განაცხადა ომელიანმა ჟურნალისტების კითხვის პასუხად.
შეგახსენებთ, რომ 10 ივლისს Ryanair-მა განაცხადა, რომ უკრაინაში ოპერირების დაწყებაზე ბორისპოლის აეროპორტის ხელმძღვანელობასთან შეუთანხმებლობის გამო ამბობს უარს.
თავის მხრივ აეროპორტის ხელმძღვანელის საქციელზე უკმაყოფილება დააფიქსირა უკრაინის ინფრასტრუქტურის მინისტრმა და სოციალურ ქსელში რიაბიკინის მისამართით ირონიული პოსტიც დატოვა.
