ჩვენთვის პატრიარქის სიტყვას აქვს განსაკუთრებული ფასი, - ამის შესახებ პარლამენტის თავმჯდომარე ირაკლი კობახიძემ "რუსთავი 2"-ის გადაცემა "არჩევანში", კონტიტუციურ მონარქიაზე საუბრისას განაცხადა.
ირაკლი კობახიძის თქმით, კონსტიტუციური მონარქია რეგრესს არ ნიშნავს და მას არაერთ ევროპულ ქვეყანაში სტაბილურობა მოუტანია.
მისივე თქმით, კონსტიტუციურ მონარქიაზე საუბარი ამჟამინდელ საკონსტიტუციო ცვლილებებთან კავშირში არ არის.
„საუბარი იყო ასე პატრიარქის მიდგომაზე ამ საკითხის მიმართ. პატრიარქმა ბრძანა, რომ ის ემხრობა კონსტიტუციური მონარქიის იდეას. ამ იდეას ჰყავს მომხრეები უმრავლესობის შიგნითაც და მათ გააკეთეს ამაზე განცხადებები, თუცმა ამას კავშირი არ აქვს იმ საკონსტიტუციო რეფორმასთან, რომელიც ხორციელდება საქართველოში“, - განაცხადა ირაკლი კობახიძემ, რომელმაც აქვე აღნიშნა, რომ ამ საკითხზე ჩამოყალიბებული პოზიცია არ აქვს.
