ძალიან უსუსური კამპანიაა. ვინ საუბრობს მსგავს წამებაზე პენიტენციურ სისტემაში - წამების, ღირსების აყრის, გაუპატიურების ავტორები და შემოქმედები ჩვენ ქვეყანაში, - ამის შესახებ უმრავლესობის ლიდემა ირაკლი კირცხალიამ განაცხადა. ის გამოეხმაურა პატიმარ გიორგი დავითაძის განცხადებას, რომ პენიტენციურ დაწესებულებაში მასზე ბადრაგმა სექსუალურად იძალადა.
„ძალიან უსუსური კამპანიაა. ვინ საუბრობს მსგავს წამებაზე პენიტენციურ სისტემაში - წამების, ღირსების აყრის, გაუპატიურების ავტორები და შემოქმედები ჩვენ ქვეყანაში. ერთი წლის წინ მომხდარი ფაქტია, თუ არ ვცდები, რომელიც ჩვეულებრივი პროცედურაა პენიტენციურ სამსახურში და ამის ახლა ამოწევა ხდება- რა დონეზე განულებულები არიან და დღის წესრიგი არ აქვთ, რომ ისევ და ისევ, მტკნარ სიცრუეზე ფიქრობენ, რომ ააგონ პოლიტიკური დღის წესრიგი, უბრალოდ ღიმილის მომგვრელია. ერთია, რომ ღიმილის მომგვრელია და შემდეგ, მართლა შემაშფოთებელი და ამაზრზენია, როდესაც ამ სიცრუეს ისმენ წამების გაუპატიურების და ყველანაირი ღირსების ამყრელი მოქმედების ავტორებისგან, ე.წ. „ნაცმოძრაობისგან“. ვერავინ ვერ იტყვის, რომ ის ე.წ. არასამთავრობო ორგანიზაციები, თუ ე.წ. პარტიები, რომლებიც ცდილობენ ასეთის სისულელეებით რეპუტაცია შეულახონ პენიტენციურ სისტემას, რომელიც განსაკუთრებით 2012 წლის შემდეგ უმაღლეს შეფასებებს იმსახურებს.
უტევენ იმას, სადაც არის რეალურად, ჯანსაღი სიტუაცია და მაღალი სტანდარტები. განულებულები და უმორალოები არიან, მაგრამ მორალი და „ნაცმოძრაობა“ ერთმანეთთან არის როგორც ზეთი და წყალი. ასე მარტივი არ არის საზოგადოების შეცდომაში შეყვანა. ისეთი მარტივი ტყუილები, რომელსაც შეჩვეულები იყვნენ მათი მმართველობის დროს, დღეს, ასე არ ხდება. დღეს, საზოგადოებას აინტერესებს ფაქტები, საზოგადოება სვამს კითხვებს და ამ აგენტურის ნათქვამს, თვალდახუჭულად არასდროს და ვერასდროს ენდობა“, - აცხადებს ირაკლი კირცხალია.
