ავიაკომპანია Turkish Airlines-ი (THY) საკუთარ გეგმებს წარმატებით ახორციელებს და გასული წლის მაჩვენებლებს აუმჯობესებს.

როგორც THY-ს დირექტორთა საბჭოს წარმომადგენელი ილკერ ავდჯი აცხადებს, რომ 2016 წელს რიგმა ფაქტორებმა ავიაკომპანიის განვითარებაზე და მგზავრთნაკადის ზრდაზე გარკვეული გავლენა მოახდინა.

 „მათ შორის ერთ-ერთი მიზეზია Brexit-ის შემდეგ ევროკავშირის ქვეყნების მდგომარეობა. მეორე - ტერაქტები, რომელიც ევროპის უმსხვილეს ქალაქებში და თურქეთში დაფიქსირდა. ტერორისტების ქმედებებმა უსაფრთხოება და მსოფლიოს სტაბილურობა კითხვის ქვეშ დააყენა“, აცხადებს ავდჯი.
აღსანიშნავია, რომ Turkish Airlines-ს ავიაპარკი 337 თვითმფრინავს აერთიანებს. გასულ წელს ავიაკომპანიამ ტვირთბრუნვის მაჩვენებლის მხრივ პირველად 1 მლრდ დოლარს მიაღწია, ხოლო 2017 წელის გეგმა კი - 1,2 მლრდ დოლარია.

ავიაკომპანიის გეგმას წარმოადგენს ასევე, 2023 წლისთვის მსოფლიოს ტვირთბრუნვის მხრივ პირველ ხუთეულში მოხვედრა.

სტატისტიკური ინფორმაციის მიხედვით, მიმდინარე წლის იანვარ-მაისში Turkish Airlines-მა მგზავრთნაკადი, გასული წლის ანალოგიურ პერიოდთან შედარებით, 6,7%-ით გაზარდა, ხოლო ტვირთბრუნვა - 33%-ით. 2017 წელს Turkish Airlines-ს გეგმას 69 მლნ მგზავრის მომსახურება წარმოადგენს.