ერევანსა და ბათუმს შორის სარკინიგზო მიმოსვლა განახლდა. როგორც ირკვევა ერევანი-ბათუმი-ერევანის მარშრუტზე რეისები, საზღვაო ტურისტული სეზონის დასრულებამდე, ყოველდღიურად განხორციელდება.
ერევანიდან მატარებელი, ადგილობრივი დროით 15:30 საათზე გამოვა და ბათუმში 07:10 საათზე იქნება ანუ მგზავრობის დრო 15 საათსა და 40 წუთს შეადგენს, ხოლო უკანა გზაზე მგზავრობის ხანგრძლივობა ოდნავ მეტი, 15 საათი და 50 წუთია.
აღნიშნულ მარშრუტზე მგზავრებს მატარებელი "Armenia" მოემსახურება. ბილეთების შეძენა კი გამგზავრებამდე 40 დღით ადრე იქნება შესაძლებელი. რაც შეეხება ტარიფებს ის ვაგონის ტიპისა და კლასის მიხედვით 20 დოლარიდან დაიწყება.
უკვე ცნობილია, რომ ერევანსა და ბათუმს შორის სარკინიგზო მიმოსვლა 1-ელ ოქტომბრამდე გასტანს.
