„სამოქალაქო პლატფორმა-ახალი საქართველოს" დამფუძნებელი გიორგი ვაშაძე პროკურატურაში იმყოფებოდა. მან უფასო სასადილოებთან დაკავშირებული დოკუმენტები გამოძიებას გადასცა.
მისი განცხადებით, პარტიის მიერ შექმნილმა სოციალურ საკითხთა ჯგუფებმა თბილისის მასშტაბით კვლევა ჩაატარეს და გაირკვა, რომ 8-9 მილიონი ლარი არამიზნობრივად იხარჯება. აგრეთვე აღნიშნა ის ფაქტი, რომ პროგრამაში ჩართული ბენეფიციარებიდან სერვისით მხოლოდ ნახევარი სარგებლობს.
"უფასო სასადილოებში არსებულ მაშსტაბურ კორუფციულ სქემაზე პროკურატურას ყველა მტკიცებულება უნდა მივაწოდოთ, რათა დაისაჯონ ისინი, ვინც ადამიანებს საჭმელს პარავენ. უპრეცედენტო შემთხვევაა აქ რომ დამიბარეს და იმედი მაქვს, გამოძიებაც დაიწყება. დასაკითხია დავით ნარმანია, რომელიც გაჭირვებულ ხალხს ფულს პარავს. გვაქვს სრული სურათი, როგორ იპარავენ ფულს და ამას დავამტკიცებთ." განაცხადა გიორგი ვაშაძემ ჟურნალისტებთან.
