“ჩვენ გვაქვს მჭიდრო ურთიერთობა სლოვაკეთთან, არა მარტო ორმხრივ დონეზე”,- განაცხადა საქართველოს პრეზიდენტმა გიორგი მარგველაშვილმა გამოსვლისას. პრეზიდენტმა ბრატისლავაში, კომენუსის უნივერისტეტში საჯარო ლექცია წაიკითხა და სტუდენტებს შავი ზღვის რეგიონის მნიშვნელობაზე ესაუბრა.
„ჩვენ გვაქვს მჭიდრო ურთიერთობა სლოვაკეთთან, არა მარტო ორმხრივ დონეზე, ჩვენ ევროპულ და ევროატლანტიკურ პროცესშიც საერთო დღის წესრიგი გვაქვს. ამ პროცესში ძალიან საინტერესოა ის, რაც ახლა ხდება და მოხდება შავ ზღვაზე, ჩემი ქვეყანა კი ამ რეგიონისთვის სტრატეგიულად მნიშვნელოვანია. რეგიონში უსაფრთხოების გარემო უარესდება შავი ზღვის ზოლზე ოკუპირებული აფხაზეთისა და ასვე ყირიმის გათვალისწინებით. ჩვენ ვცდილობთ, გადაჭრის გზები მოვძებნოთ და შესაძლოა, გარკვეულ კითხვებზე პასუხები იყოს ჩრდილოატლანტიკურ ალიანსშიც, რომ მოვძებნოთ ეკონომიკური განვითარებისა და თანამშრომლობის გზები რეგიონში,“ - განაცხადა გიორგი მარგველაშვილმა.
ლექციის შემდეგ პრეზიდენტს კომენუსის უნივერსიტეტის საპატიო სტუმრის მედალი გადასცეს და მასთან ერთად სამახსოვრო ფოტოები გადაიღეს.
