ენერგეტიკის მინისტრი, კახა კალაძე, "ნაციონალურ მოძრაობას" გაზპრომის საკითხზე სასაუბროდ იწვევს. ვიცე-პრემიერი ოპოზიციას გადაცემის მოწყობას სამაუწყებლო კომპანია "რუსთავი2"-ის ეთერში სთავაზობს. კალაძე ამბობს, რომ მზად არის "ნაციონალური მოძრაობის შოუში" მონაწილეობა მიიღოს. ენერგეტიკის მინისტრის თქმით, ის დებატებში "ნაციონალური მოძრაობის", "ევროპული საქართველოს" და არასამთავრობო ორგანიზაციის წევრებს მოადგილეებთან ერთად დაუჯდება.
„თუ მათ შოუს მოწყობა სურთ, ამაშიც მზად ვარ, მივიღო მონაწილეობა, ოღონდ ვთავაზობ ალტერნატივას. ეს არის მათი ტელევიზია - "რუსთავი2" და შეუძლია, დაგეგმონ სპეციალური გადაცემა, რომელიც მიეძღვნება გაზპრომის თემას,“ - აცხადებს კახა კალაძე.
