გზის სარეაბილიტაციო სამუშაოების გამო, დღეს გიორგი ლეონიძის ქუჩა გადაიკეტება, - ამის შესახებ ინფორმაციას თბილისის მერიის კეთილმოწყობის საქალაქო სამსახური ავრცელებს.
ლეონიძის ქუჩის დაზიანებული საფარის რეაბილიტაცია თბილისის მერიის კეთილმოწყობის საქალაქო სამსახურის დაკვეთით მიმდინარეობს.
სამუშაოების ფარგლებში შეკეთდება დაზიანებული ქვაფენილი და გარკვეულ მონაკვეთზე დაიგება ახალი ასფალტის საფარი.
თბილისის მერია მოსახლეობას შეფერხებისთვის ბოდიშს უხდის.
