რუსთავი 2 დღეს 14:00 საათზე რუსთაველის გამზირზე აქცია-კონცერტს მართავს. სცენიდან მაყურებელს ტელეკომპანიის სახეები მიმართავენ და მხარდამჭერებს კიდევ ერთხელ განუმარტავენ იმ რთულ ვითარებას, რაც რუსთავი2-ის გარშემოა შექმნილი.
სამაუწყებლო კომპანიის გულშემატკივრები აღნიშნავენ, რომ სტრასბურგის გადაწყვეტილების მიუხედავად, კვლავ ძალაში რჩება ის გამოწვევები და ის რისკები, რომელიც უკავშირდება ქვეყანაში სიტყვის თავისუფლების, მედიაპლურალიზმის შეზღუდვას. მათ მიაჩნიათ, რომ ამ გამოწვევებზე პასუხი არხის მხარდასაჭერად ერთსულოვნებაა საჭირო.