13 მარტს 11:30 საათზე საფრანგეთის ელჩი საქართველოში, პასკალ მენიე აგრარული უნივერსიტეტის კულინარიის აკადემიას ესტუმრება.
ვიტი მესამედ განხორციელებული ღონისძიების, Goût de France / Good France-ს ფარგლებში ტარდება.
2012 დაარსებული ბენდუქიძის კულინარიის აკადემია, 700-ზე მეტ კურსდამთავრებულს ითვლის. კულინარიის აკადემია სტუდენტებს მზარეულისა და კონდიტერის პროფესიულ პროგრამებს სთავაზობს. თეორიული სწავლების გარდა, სტუდენტებს საშუალება აქვთ დაეუფლონ ამ პროფესიას თანამედროვე ტექნიკით აღჭურვილ სამზარეულოებში. სტუდენტებს მასტერ-კლასები უტარდებათ საერთაშორისო შეფმზარეულების მიერ.
კულინარიის აკადემიის კურსდამთავრებულები დასაქმებულები არიან 250-ზე მეტ ორგანიზაციაში, მათ შორისაა: Tbilisi Marriott, Courtyard Marriott, Hilton, Rooms Hotel Tbilisi, Dinehall, Strada, Otium, PIPES Burger Joint, Burger House, Holiday Inn და სხვა.
კულინარიის აკადემიის შეფმზარეულები და სტუდენტები პირველად მიიღებენ მონაწილეობას 2017 წლის 21 მარტს გამართულ საერთაშორისო ღონისძიებაში "Goût de France / Good France", რომელიც მსოფლიოს ოთხივე კუთხეში ფრანგულ გასტრონომიას იზეიმებს.
წელს, ღონისძიება აქცენტირებული იქნება პროფესიული განათლების მნიშვნელობაზე. კულინარიის აკადემიის სტუდენტები მონაწილეობას მიიღებენ საფრანგეთის ელჩის პასკალ მენიეს მიერ ორგანიზებული სადილის მომზადებაში, რომელსაც განათლების სფეროს წარმომადგენლები დაესწრებიან. ამ ღონისძიებაში მონაწილეობა სტუდენტების ცოდნისა და პრაქტიკული უნარების განვითარების კარგი შესაძლებლობაა.
2017 წლის 21 მარტის ღონისძიებაში მონაწილეობას მიიღებს 7 რესტორანი, რომლებიც შემოგვთავაზებენ ტრადიციული ფრანგული რეცეპტების მიხედვით დამზადებულ კერძებს. 6 რესტორანი თბილისში (Le Marais, Le Montrachet, The Kitchen à l’hôtel Rooms, Filini à l’hôtel Radisson Blu, Le Cabernet, Pur Pur) და ერთი რესტორანი ბათუმში (Veronica à l’hôtel Sheraton). დღეიდანვე შეგიძლიათ მაგიდების დაჯავშნა.