საპატრიარქოს ტელევიზიის ხელმძღვანელობა მამა მიქაელ ფოფხაძეს ჩაბარდა. საპატრიარქოს ვებ-ვერდზე გავრცელებული განცხადების თანახმად, აღნიშნულის შესახებ გადაწყვეტილება საქართველოს კათოლიკოს-პატრიარქმა უკვე მიიღო.
,,ა.წ. 10 მარტიდან ჭყონდიდელი მიტროპოლიტი პეტრე (ცაავა) განთავისუფლდა საპატრიარქოს ტელევიზია „ერთსულოვნების“ დირექტორის თანამდებობიდან. აღნიშნული ტელევიზიის ხელმძღვანელად დაინიშნა ქაშუეთის ტაძრის წინამძღვარი, დეკანოზი მიქაელ ფოფხაძე“, - აღნიშნულია ინფორმაციაში.
მიუხედავად იმისა, რომ ტელეკომპანიის თანამშრომლები სრულიად საქართველოს კათოლიკოს-პატრიარქს დღესაც სთხოვდნენ, რომ დირექტორის თანამდებობაზე მეუფე პეტრე დაებრუნებინა, პატრიარქის გადაწყვეტილებით, ტელევიზიას მამა მიქაელ ფოფხაძე უხელმძღვანელებს.
