"მივდივარ საჭყონდიდლოში. ტელევიზიას ვაბარებ ღმერთს", - განაცხადა მეუფე პეტრე ცაავამ საპატრიარქოს ტელევიზია "ერთსულოვნების" თანამშრომლებთან დამშვიდობებისას.
ტელევიზიის თანამშრომლები მეუფე პეტრეს მიერ გაწეულ სამუშაობს დადებითად აფასებენ და კიდევ ერთხელ სთხოვენ სრულიად საქართველოს კათოლიკოს-პატრიარქს ჭყონდიდელი მიტროპოლიტი თანამდებობაზე დააბრუნოს. თანამშრომლები ამბობენ, რომ თუ დირექტორად გიორგი ანდრიაძე დაინიშნება, ამას მწვავე რეაქცია მოჰყვება.
ვინ გახდება საპატრიაქროს ტელევიზია "ერთსულოვნების" ახალი დირექტორი, ამის შესახებ გადაწყვეტილება სრულიად საქართველოს კათოლიკოს-პატრიარქს ჯერ არ მიუღია. როგორც ტელეიმედს პროტოპრესსვიტერმა გიორგი ზვიადაძემ განუცხადა, ამის შესახებ ცნობილი ერთ ან ორ კვირაში გახდება.
