გენდერული ნიშნით წამების მსხვერპლნი პოდიუმზე გამოჩნდნენ. ბანგლადეშში ქალთა საერთაშორისო დღე განსაკუთრებული ღონისძიებით აღნიშნეს. ქალების მონაწილეობით, რომლებსაც სახე და სხეული მჟავით აქვთ დამწვარი, მაგრამ სიკვდილს გადაურჩნენ, მოდების ჩვენება გაიმართა. ღონისძიებას ბრიტანულმა საქველმოქმედო ფონდმა უმასპინძლა. არასამთავრობო ორგანიზაციების ანგარიშში აღნიშნულია, რომ მჟავით ანგარიშსწორება ბანგლადეშში მიღებული პრაქტიკაა. ამ ფორმით შურისძიება იმ ქალების წინააღმდეგ ხდება, რომლებმაც ქორწინებაზე უარი თქვეს ან ოჯახური კონფლიქტის მსხვერპლად იქცნენ.
