ჟიული შარტავას დაბადებიდან 75-ე წლისთავი, მის მშობლიურ საქართველოს ტექნიკურ უნივერსიტეტში, ჟიული შარტავას წიგნის ,,დისკრეტული წარმოების დაგეგმვისა და ოპტიმიზაციის მოდელებისა და მეთოდების კვლევა და დამუშავება’’ ელექტრონული ვერსიის პრეზენტაციით აღინიშნა.
ღონისძიებაში მონაწილეობა მიიღეს, საქართველოს ტექნიკური უნივერსიტეტის პროფესორებმა, სტუდენტებმა, აფხაზეთის ავტონომიური რესპუბლიკის უმაღლესი საბჭოს დამთავრობის წევრებმა, ჟიული შარტავას მეგობრებმა და თანამებრძოლებმა. პრეზენტაცია გახსნა საქართველოს ტექნიკური უნივერსიტეტის რექტორმა, აკადემიკოსმა არჩილ ფრანგიშვილმა. ჟიული შარტავას ნაშრომის შესახებ ისაუბრა
პროფესორმა ნოდარ ლომინაძემ, ხოლო ჟიული შარტავას სახელობის სახელმწიფო პოლიტიკის და მართვის სადოქტორო სკოლის დირექტორის ზურაბ ჯიბლაძის მიერ შედგა ვებ-პორტალის - ,,სისანი’’სამშვიდობო პოლიტიკა-ერთიანი საქართველოსთვის პრეზენტაცია.
წიგნის ,,დისკრეტული წარმოების დაგეგმვისა და ოპტიმიზაციის მოდელებისა და მეთოდების კვლევა და დამუშავება’’ რედაქტორი, პროფესორი თამარ ლომინაძე დაჯილდოებულ იქნა ჟიული შარტავას სახელობის სახელმწიფო პოლიტიკის და მართვის სადოქტორო სკოლისსაპატიო სიგელით.
შეხვედრაზე სიტყვით გამოვიდნენ: სტუ - ს რექტორის მოადგილე, პროფესორი ზურაბ გასიტაშვილი; აფხაზეთის ავტონომიური რესპუბლიკისმთავრობის თავმჯდომარე, ვახტანგ ყოლბაია; აფხაზეთის ავტონომიური რესპუბლიკისუმაღლესი საბჭოს თავმჯდომარე, ელგუჯა(გია) გვაზავა; სტუ -ს ინფორმატიკისა და მართვის სისტემების ფაკულტეტის დეკანი, პროფესორი ზურაბ წვერაიძე; სტუ-ს ენერგეტიკის დეპარტამენტის ხელმძღვანელი, პროფესორი შალვა ნაჭყებია.
დაბოლოს, განხილულ იქნა წინადადებები ჟიული შარტავას გარდაცვალებიდან 25 და დაბადებიდან 75 წლის აღსანიშნავ ღონისძიებების მომზდებასთან დაკავშირებით (2018 წ. ოქტომბერი - 2019 წ. მარტი).