პრემიერის ინიციატივაზე მედიაომბუდსმენის ინსტიტუტის შემოღებასთან დაკავშირებით პრეზიდენტის პრესსპიკერმა ისაუბრა. ეკა მიშველაძის თქმით, მედიაომბუდსმენის შერჩევის და დანიშვნის პროცესში ხელისუფლების მონაწილეობა უნდა გამოირიცხოს.
„დღეს, როდესაც ასე აქტიურად გვიწევს საუბარი მედიისა და ჟურნალისტების უფლებებზე, კარგი იქნება დაცვის მყარი მექანიზმების შემუშავება, თუნდაც მედიაომბუდსმენის სახით, თუმცა გასათვალისწინებელია ორი მთავარი ფაქტორი, მედიაომბუდსმენის შერჩევისა და დანიშვნის პროცესში მთლიანად უნდა გამოირიცხოს ხელისუფლების ნებისმიერი, ანუ ყველა შტოს მონაწილეობა და მნიშვნელოვანია, პროცესი იყოს სახალხო დამცველთან კოორდინაციაში,“- განაცხადა ეკა მიშველაძემ.