ირანელ დეპუტატებს ახალი დედაქალაქი უნდათ. თურქული ტელეარხის ინფორმაციით, ირანის 73-მა პარლამენტარმა ოფიციალური წერილით მიმართა ქვეყნის უმაღლეს რელიგიურ პირ აიათულლაჰ ალი ჰამანეის და ქვეყნის დედაქალაქის სხვა ქალაქში გადატანის შემცველი პროექტის განხორციელებაში დახმარება სთხოვა.
ირანის პარლამენტის დეპუტატმა ებულფაზ ებუთურაბიმ მედიას განუცხადა, თეირანის მოსახლეობის გადაჭარბებული სიმრავლის, ჰაერის დაბინძურების, საგზაო საცობების სიხშირის, მიწისძვრის რისკის და სხვა უარყოფითი ფაქტორების გათვალისწინებით, ჯერ კიდევ 2013 წლის დეკემბერში პარლამენტს დასამტკიცებლად წარუდგინეს დედაქალაქის თეირანიდან სხვა ქალაქში გადატანის პროექტი, რომელიც მიღებულ იქნა და პარლამენტარები ახლა ამ პროექტის ცხოვრებაში გატარებას ითხოვენ.
“იანვრში თეირანის ყველაზე ფეშენებელურ სავაჭრო ცენტრში ხანძრის გაჩენამ დაადასტურა, თუ რა რიგ საშიშ დონეს მიაღწია თეირანში ურბანიზაციამ და ჰამენეისადმი გაგზავნილ წერილში ამაზეც ვამახვილებთ ყურადღებას“, განაცხადა ებუთურაბიმ.
მისივე თქმით, პარლამენტის მხრიდან ხსენებული პროექტის ჯერ კიდევ 2013 წელში მიღების მიუხედავად პრეზიდენტი ჰასან რუჰანი ამ პროექტის ცხოვრებაში გატარების ნებართვას არ იძლევა