ჩვენ ვაპირებთ, რომ სოფლის სკოლები იყოს ყველაზე მაგარი სკოლები ამ ქვეყანაში, - განაცხადა განათლების მინისტრმა ალექსანდრე ჯეჯელავამ პრეზიდენტის ადმინისტრაციის წარმომადგენლებთან გუშინ გამართული შეხვედრის კომენტირებისას. მისი სწორედ მათმა ოპონენტებმა გააუბედურეს სოფლის სკოლები.
„ჩვენ ვამბობთ, რომ მცირე სკოლები იქნება ყველაზე მეტად დაფინანსებული, ყველაზე მეტად მხარდაჭერილი, ყველაზე მაღალკვალიფიცირებული. სწორედ ჩვენმა ოპონენტებმა გააუბედურეს სოფლის სკოლები. ჩვენ ვაპირებთ, რომ სოფლის სკოლები იყოს ყველაზე მაგარი სკოლები ამ ქვეყანაში, სწორედ იმის თავიდან ასაცილებლად, რომ ჩვენი რეგიონები არ დაიცალოს. ჩვენი ერთ-ერთი სტრატეგიული ამოცანა, მათ შორის 4-პუნქტიანი გეგმა არის, რომ ყველგან საქართველოში 3 ბავშვი ივლის სკოლაში 30 თუ 1300, უნდა იყოს ზოგად განათლებაზე ხელმისაწვდომობა”, - განაცხადა მინისტრმა.
პრეზიდენტის ადმინისტრაციის წარმომადგენლებთან შეხვედრა ეხებოდა „ზოგადი განათლების შესახებ“ კანონში შესატანი ცვლილებების საკითხს. ადმინისტრაციის წარმომადგენლებმა გამოთქვეს მოსაზრება, რომ ზოგიერთი დებულება შესაძლოა დისკრიმინაციის საშიშროებას წარმოადგენდეს და მათი დახვეწაა საჭირო.
