”ნაციონალური მოძრაობის” ერთ-ერთი ლიდერის, ნიკა მელიას განცხადებით, რამდენიმე დღის წინ გიგი უგულავას შეხვდა და იცის მისი პოზიციების შესახებ. დღეს გამართულ პრესკონფერენციაზე ჟურნალისტების კითხვაზე რამდენად ემთხვევა მათი პოზიციები 7 000 კაციანი ყრილობის ჩატარების თაობაზე, ნიკა მელიამ განაცხადა, რომ არ ემთხვევა.
”ჩვენ რამდენიმე დღის წინ შევხვდით სასჯელაღსრულების დაწესებულებაში ერთმანეთს, ვიცი მისი მოსაზრებები. ბევრ საკითხზე ემთხვევა ჩვენი პოზიციები, ბევრ საკითხზე არა. არ ემთხვევა ჩვენი პოზიციები პარტიის განვითარებასთან დაკავშირებით, პარტიის მომავალთან დაკავშირებით”, - განაცხადა მელიამ.
მისივე თქმით, ყრილობის ჩატარებისთვის ხელის შეშლა პარტიის ასიათასობით ამომრჩევლის ნების უგულებელყოფის მცდელობაა, რასაც არ დაუშვებენ.
