საგარეო საქმეთა მინისტრ მიხეილ ჯანელიძის ინფორმაციით, საქართველო სირიას 100 ათასი დოლარით დაეხმარება. მისი თქმით, საქართველოს პრემიერ-მინისტრი და მთავრობა მყისიერად გამოეხმაურა სირიაში არსებულ ჰუმანიტარულ კრიზისს.
„პრემიერმა გამოთქვა მზაობა დაეხმაროს იმ ბავშვებს, რომლებიც განსაკუთრებულად მძიმე მდგომარეობაში აღმოჩნდნენ. ამის შემდეგ ჩვენ გვქონდა აქტიური კონსულტაციები გაერო-სთან და ყველა გზები გამოვიკვლიეთ, თუ როგორ შეიძლებოდა ჰუმანიტარული დახმარების გაწევა. საბოლოო ჯამში შეთანხმდა, რომ ჩვენ გავუწევთ ფინანსურ დახმარებას 100 ათასი დოლარის ფარგლებში გაერო-ს სპეციალიზირებული ფონდის მეშვეობით. მთავრობის გადაწყვეტილებით, საგარეო საქმეთა სამინისტრო ამ დახმარებას განახორციელებს“, -განაცხადა მიხეილ ჯანელიძემ.