ისრაელის პრემიერ-მინისტრი ამერიკის სახელმწიფო მდივნის განცხადებამ აღაშფოთა. ჯონ ქერის გამოსვლას მან დიდი იმედგაცრუელა უწოდა.
„ისრაელს უცხოეთის ლიდერებისგან ჭკუის სწავლება არ სჭირდება, რადგანაც ჩვენზე მეტად მშვიდობა არავის სურს. სახელმწიფო მდივნის გამოსვლა ისეთივე დაუბალანსებული იყო, როგორც ისრაელის წინააღმდეგ გაეროს მიერ მიღებული რეზოლუცია,“-აღნიშნა ბენიამინ ნეთანიაჰუმ.
ისრაელის პრემიერის მწვავე რეაქცია ჯონ ქერის გამოსვლას მიჰყვა. ამერიკის პირველმა დიპლომატმა ღიად განაცხადა, რომ პალესტინის ტერიტორიაზე ებრაული დასახლებების მშენებლობის წინააღმდეგია. მისივე თქმით, იერუსალიმი ორი სახელმწიფოს დედაქალაქი უნდა გახდეს.
